Manispaa ya Morogoro wametakiwa kutumia maji vizuri

Na Merina Robert, Morogoro

WAKAZI wa Manispaa ya Morogoro wametakiwa kutumia vizuri kiasi cha maji kinachopatikana kwa sasa, ili kukidhi mahitaji. Tatizo la upungufu wa maji limesababisha baadhi ya maeneo, wananchi kukosa huduma ya maji kwa kipindi cha takribani wiki tatu sasa.

 

Akizungumza na mwandishi wa habari hizi jana Mkurugenzi wa Mamlaka ya Maji Safi na Maji Taka mkoani hapa (MOROWASA), John Mtaita alisema upungufu wa maji kwa kipindi hiki cha kiangazi ni mkubwa.  

 

“Kuna kuwapo na ukosefu wa maji katika maeneo mengi ya manispaakutokana na ukame na uharibifu unaofanywa na binadamu katikavyanzo mbalimbali vya maji, hali inayosababisha ukosefu wa maji,”alisema.  

 

Alisema kiwango cha maji kilichopo hivi sasa ni kidogo kiasi ambachohakiwezi kukidhi mahitaji ya wananchi waliopo ndani ya manispaa hiyo.  

 

Alisema hali hiyo bado inaendelea kwa sasa kutokana na jua kuendelea kuwaka na kufanya maji kuendelea kukauka na kusababisha maji kuwa kidogo na hivyo kuwafanya wananchi kutumia muda mwingi wa kutafuta maji bila mafanikio.  

 

Alisema watu wanaoishi karibu na vyanzo vya maji wamekuwa sehemu ya tatizo kutokana na kuharibu mazingira na hivyo, kusababisha ukosefu wa maji.   

Kwa upande wake mkazi wa Nane Nane, Juma Msisi alisema, maji yamekosekana kwa muda mrefu sasa katika eneo hilo.  

 

“Nasikitika katika eneo ninaloishi hatuna maji kwa muda mrefu, hii inatufanya tushindwe kufanya kazi za uzalishaji, tunabaki kutafuta maji umbali mrefu,” alisema.  

 

Msisi alisema, ipo haja kwa mamlaka hiyo kutafuta miundombinu yakutatua kero ya maji ambayo ipo kwa muda na kila mwaka bila kupatiwa ufumbuzi.

Chanzo: Mtanzania